معلومة تيك أوى 4

بتبقى ماشى فى الشارع وفجاة تلقى حد بيوقف ويقلك بطاقتك ( لحد دلوقتى عادى جدا ) بس اللى مش عادى أنه يقولك اتفضل معايا على القسم ، أو اركب البوكس فتسئل أنت ببراءة ، لية هو انا عملت حاجة يجواب ويقولك انا مشتبه فيك . هو الكلام دة ينفع ؟ معلومة جديدة ، فعلا كان فيه قانون اسمه قانون الاشتباة ، لكن الجديد أن القانون دة اتلغى من سنة 1993 بحكم من المحكمة الدستورية ، ودى أعلى محاكم مصر ( قضت المحكمة الدستورية بعدم دستورية المادة 5 والمواد 6، 13، 15 من القانون رقم 98 لسنة 1945 بشأن المشردين المشتبه فيهم لمخالفتها المواد 41، 66، 67 من الدستور بتقريرها أحكاماً تقوم على الإخلال بمبدأ افتراض البراءة وتقرير معاقبة الشخص مرتين عن فعل واحد وتقرير عقوبة عن كل فعل لا يتخذ مظهراً خارجياً ملموساً. ) يعنى لو قالك أنا مشتبه فيك ، ترد وتقولة دة قانون غير دستورى والمحكمة الدستورية لغته فى جلسة 2 / 1 / 1993 سعيد فايز المحامى