معلومة تيك اوى

أول لما بداء مجموعة الثلاثة العمل العام كان دايما بتقبلهم مشكلة كبيرة جدا وهى خوف ورعب الضحية وانها دايما مش عايزة تأخد اى خطوة ايجابية . حاولنا نفسر سبب دة ، لقينا السبب فى الجبن اللى اترسخ فى القلوب ودة كان ناتج جهل بالحقوق اللى لينا واللى علينا. فاخذنا على عتقنا أن ( نمحو الجهل بالتعليم ) وبدائنا فعلا فى اكتر من مكان نعمل دة وانهاردة هنعمل على كدة الجروب دة دايما بنسمع ان لو حد قبلك وقال بطاقتك او قالك احنا بوليس المفروض ترد عليها وتقولة اشوف كارنيهك لو سمحت ، هو الكلام دة لية سند قانون ولا دة افتكاسة بس ؟طبعا الكلام دة قانونى مائة فى المائة ودة حقك ومتتنزلش عنه والكلام دة موجود نصًا فى قانون الاجراءات الجنائية مادة 24 مكررا . وطبعا لازم تأكد ان اللى بيوقفك او بيتطلب بطاقتك لية الحق فى دة ولا لا . ودة نص المادة مادة [24 مكررا ] (1)(على مأموري الضبط القضائي ومرءوسيهم ورجال السلطة العامة أن يبرزوا ما يثبت شخصياتهم وصفاتهم عند مباشرة أي عمل أو إجراء منصوص عليه قانوناً ، ولا يترتب على مخالفة هذا الواجب بطلان العمل أو الإجراء ، وذلك دون إخلال بتوقيع الجزاء التأديبي.)كل شوية هحط معلومة جديدة بس عايز احس ان فى توصل وياريت تبعتها للناس اللى على اللستة عندكو علشان تعم الفائدة

سعيد فايز المحامى