المذهب البروتستانتى ظهر على يد مارتن لوثر فى المانيا فى القرن السادس عشر وظهر المذهب ده كنوع من انواع الاحتجاج على فساد رجال الكنيسة كمان هنلقى ان كلمة بروتستانتى معنها محتج من احتجاج .
وقتها وصل فساد رجال الدين لدرجة فظيعه جداً وفى قصة ظريفه عن مارتن لوثر وهى " أن رجال الكنيسة وقتها علشان الفلوس قرر البطريك وقتها يلعب بأحلام الناس فى الحياة بعد الموت والوصول للملكوت السماوى وأصدار صكوك يبيع فيها أجزاء من الملكوت ولان كل واحد عايز يطمن على حياته بعد الموت فأصبحت الصكوك دى وقتها تاجره رابحه جداً وأقبل عليها كل إنسان قادر انه يدفع ثمن الصك فيروح للبطرك ويشترى مكان فى الملكوت وبكده يضمن انه مش هيدخل النار . عرف مارتن لوثر الانحطاط الاخلاقى ده اللى وصل ليه رجال الدين فجتله فكره جهنمية وقتها قام مجمع كل الفلوس اللى معه وراح للبطرك وطلب منه أنه يعمل ليه صك للجحيم استغرب البطرك لكن امام مارتن لوثر وفلوسه قام البطرك عمل صك باع فيه الجحيم لمارتن لوثر , وبعدها قعد مارتن لوثر قدام باب مكتب البطرك وكل ما يشوف حد عايز يدخل يشترى صك الملكوت يقوم يقوله انت عايز اية ؟ فتكون الاجابة انا عايز اشترى صك الملكوت فيقوله لية ؟ يقوله علشان مدخلش الحجيم فيرد لوثر أنا اشتريت الجحيم ودة الصك بتاعى وانا مش ناوى ادخل حد عندى أمشى ووفر فلوسك ..
طبعا دة زعل البطريك جدا لانه ضيع عليه فلوس كتير وبداءت حرب بين لوثر ورجال الدين "
مارتن لوثر وقتها كان بيعلن احتجاجه على فساد رجال الدين وعلشان يحل الازمة دى أنكر دور رجال الدين بالكامل ورفض ان يكون ليهم دور في اى شىء يمس العقيدة المسيحية وبداء يتمسك فى أيات بعينها زى " كلنا ملوك وكهنة " وشاف ان رجال الدين ممكن يكونوا سبب فساد الدين نفسه فقرر انه يلغى دور رجال الدين خالص .
طبعا دة وقع لوثر فى مشكله كبيرة مع العقيدة المسيحية نفسها اللى طقوسها واسرارها المقدسة بتقوم على دور رجال الدين فرفض بعض الاسرار المقدسة وغير اسرار تانى حسب مفهومه الجديد هو والمحتجين اللى معه .
مارتن لوثر كان عنده هدف وكان يدافع عن قضية نبيله جدا لكن فى طريقه من أجل وصوله لهدفه اختار طريق ممكن نشوفه صح او غلط حسب معتقد كل واحد وإيمانه - الغاية كانت نبيله والهدف مهم وقوى لكن الوسيلة وقعتنا فى مشاكل -
طيب اية علاقة الكلام دة بالعنوان المكتوب واية الهدف منه ؟
بعد ما شفت حلقة المذيعة ريهام سعيد فى صبايا الخير للمسيحى السابق ايمن رمزى واللى انكر فيها وجود الله وانكر وجود الاديان وكمان حلقة الدكتورة نهى اللى اطلقت عليها ريهام سعيد لقب ملحده واللى كانت من خلفيه اسلاميه واللى قامت ريهام بطردها وبغض النظر عن وجهه نظرى فى المذيعة واللى عملته صح ولا غلط لكن مذيعة البرنامج قدرت تحط الحالة دى ( الالحاد - الاعتراض ) تحت بقعة ضواء والظاهرة دى موجودة بشده خصوصاً من بعد الثورة وحكم الاسلامين فتلقى مركز بريق أعلن فى يوم ان عدد الملحدين فى مصر وصل اربعة مليون ملحد !!!
واعتقد دلوقتى ان العدد اكبر من كدة .
لكن نرجع للنموذجين بتوع ريهام سعيد هتلاقى ان رفضهم للدين مجرد رسالة منهم يتقول " أحنا خايفين على فكرة الانسانية " فيجي ايمن رمزى ويوصل رسالة ان المسيحية بتحول المسيحين لمجرد قطيع يتحرك بأشارة لإى راجل دين لابس جلبية سوده وممكن يكون صاحب الجلبية السوده صالح او طالح وهنا الخطورة .
اما الدكتورة نهى فكانت بتحظر أن تعليم الاسلام بالشكل ده بتخلق إرهابي محتمل
جايز يكون اهداف الاتنين نبيله لكن انا عندى مشكلة فى طريقتهم
ولانى اعرف عدد مش صغير من الملحدين فى مصر فأنا بشوف دة فعلا ألحادهم مجرد اعتراض لا مبنى على فكرة او درسه لكنه مجرد تكرر كلام زى اى حد مصرى سمع كلام شيخ او قسيس وعمال يقوله بدون وعى او فهم
اللى بيتعمل دة زى اللى اتعمل من مارتن لوثر زمان هو شاف ان الدين فى خطر من رجال الدين فرفض رجال الدين والملحدين شافوا ان الانسانية فى خطر من استغلال رجال الدين " اسلامى - مسيحى مش هتفرق " فرفضوا الدين نفسه بكل رجاله
- وطبعا انا مش قصدى انى اساوى بين البروتستانتى والملحد لكن انا بقول حاجة اهم ودى شهادتى
"""" خلف كل ملحد فى راجل دين بالضرورة ممكن يبقى مسيحى او اسلامى لكن مش ده المهم """"
المهم والاخطر ان مفهوم الدين والايمان فى كل عقيدة انه قنطرة / كتالوج / طريقة يعرف بيها الانسان ازى هيوصل للسماء / الجنة . فلما نوصل أن الدين يبقى سبب لتحقير او رفض او ازدراء او اهانة ادميتنا او انسانيتنا فيبقى فى حاجة غلط ..
لكن من باب التأكيد
""""""""""""" خلف كل ملحد (معترض) راجل دين بالضرورة """"""
سعيد فايز
المحامى
saidfayaz@yahoo.com
وقتها وصل فساد رجال الدين لدرجة فظيعه جداً وفى قصة ظريفه عن مارتن لوثر وهى " أن رجال الكنيسة وقتها علشان الفلوس قرر البطريك وقتها يلعب بأحلام الناس فى الحياة بعد الموت والوصول للملكوت السماوى وأصدار صكوك يبيع فيها أجزاء من الملكوت ولان كل واحد عايز يطمن على حياته بعد الموت فأصبحت الصكوك دى وقتها تاجره رابحه جداً وأقبل عليها كل إنسان قادر انه يدفع ثمن الصك فيروح للبطرك ويشترى مكان فى الملكوت وبكده يضمن انه مش هيدخل النار . عرف مارتن لوثر الانحطاط الاخلاقى ده اللى وصل ليه رجال الدين فجتله فكره جهنمية وقتها قام مجمع كل الفلوس اللى معه وراح للبطرك وطلب منه أنه يعمل ليه صك للجحيم استغرب البطرك لكن امام مارتن لوثر وفلوسه قام البطرك عمل صك باع فيه الجحيم لمارتن لوثر , وبعدها قعد مارتن لوثر قدام باب مكتب البطرك وكل ما يشوف حد عايز يدخل يشترى صك الملكوت يقوم يقوله انت عايز اية ؟ فتكون الاجابة انا عايز اشترى صك الملكوت فيقوله لية ؟ يقوله علشان مدخلش الحجيم فيرد لوثر أنا اشتريت الجحيم ودة الصك بتاعى وانا مش ناوى ادخل حد عندى أمشى ووفر فلوسك ..
طبعا دة زعل البطريك جدا لانه ضيع عليه فلوس كتير وبداءت حرب بين لوثر ورجال الدين "
مارتن لوثر وقتها كان بيعلن احتجاجه على فساد رجال الدين وعلشان يحل الازمة دى أنكر دور رجال الدين بالكامل ورفض ان يكون ليهم دور في اى شىء يمس العقيدة المسيحية وبداء يتمسك فى أيات بعينها زى " كلنا ملوك وكهنة " وشاف ان رجال الدين ممكن يكونوا سبب فساد الدين نفسه فقرر انه يلغى دور رجال الدين خالص .
طبعا دة وقع لوثر فى مشكله كبيرة مع العقيدة المسيحية نفسها اللى طقوسها واسرارها المقدسة بتقوم على دور رجال الدين فرفض بعض الاسرار المقدسة وغير اسرار تانى حسب مفهومه الجديد هو والمحتجين اللى معه .
مارتن لوثر كان عنده هدف وكان يدافع عن قضية نبيله جدا لكن فى طريقه من أجل وصوله لهدفه اختار طريق ممكن نشوفه صح او غلط حسب معتقد كل واحد وإيمانه - الغاية كانت نبيله والهدف مهم وقوى لكن الوسيلة وقعتنا فى مشاكل -
طيب اية علاقة الكلام دة بالعنوان المكتوب واية الهدف منه ؟
بعد ما شفت حلقة المذيعة ريهام سعيد فى صبايا الخير للمسيحى السابق ايمن رمزى واللى انكر فيها وجود الله وانكر وجود الاديان وكمان حلقة الدكتورة نهى اللى اطلقت عليها ريهام سعيد لقب ملحده واللى كانت من خلفيه اسلاميه واللى قامت ريهام بطردها وبغض النظر عن وجهه نظرى فى المذيعة واللى عملته صح ولا غلط لكن مذيعة البرنامج قدرت تحط الحالة دى ( الالحاد - الاعتراض ) تحت بقعة ضواء والظاهرة دى موجودة بشده خصوصاً من بعد الثورة وحكم الاسلامين فتلقى مركز بريق أعلن فى يوم ان عدد الملحدين فى مصر وصل اربعة مليون ملحد !!!
واعتقد دلوقتى ان العدد اكبر من كدة .
لكن نرجع للنموذجين بتوع ريهام سعيد هتلاقى ان رفضهم للدين مجرد رسالة منهم يتقول " أحنا خايفين على فكرة الانسانية " فيجي ايمن رمزى ويوصل رسالة ان المسيحية بتحول المسيحين لمجرد قطيع يتحرك بأشارة لإى راجل دين لابس جلبية سوده وممكن يكون صاحب الجلبية السوده صالح او طالح وهنا الخطورة .
اما الدكتورة نهى فكانت بتحظر أن تعليم الاسلام بالشكل ده بتخلق إرهابي محتمل
جايز يكون اهداف الاتنين نبيله لكن انا عندى مشكلة فى طريقتهم
ولانى اعرف عدد مش صغير من الملحدين فى مصر فأنا بشوف دة فعلا ألحادهم مجرد اعتراض لا مبنى على فكرة او درسه لكنه مجرد تكرر كلام زى اى حد مصرى سمع كلام شيخ او قسيس وعمال يقوله بدون وعى او فهم
اللى بيتعمل دة زى اللى اتعمل من مارتن لوثر زمان هو شاف ان الدين فى خطر من رجال الدين فرفض رجال الدين والملحدين شافوا ان الانسانية فى خطر من استغلال رجال الدين " اسلامى - مسيحى مش هتفرق " فرفضوا الدين نفسه بكل رجاله
- وطبعا انا مش قصدى انى اساوى بين البروتستانتى والملحد لكن انا بقول حاجة اهم ودى شهادتى
"""" خلف كل ملحد فى راجل دين بالضرورة ممكن يبقى مسيحى او اسلامى لكن مش ده المهم """"
المهم والاخطر ان مفهوم الدين والايمان فى كل عقيدة انه قنطرة / كتالوج / طريقة يعرف بيها الانسان ازى هيوصل للسماء / الجنة . فلما نوصل أن الدين يبقى سبب لتحقير او رفض او ازدراء او اهانة ادميتنا او انسانيتنا فيبقى فى حاجة غلط ..
لكن من باب التأكيد
""""""""""""" خلف كل ملحد (معترض) راجل دين بالضرورة """"""
سعيد فايز
المحامى
saidfayaz@yahoo.com
ليست هناك تعليقات:
إرسال تعليق