كرستين يعنى مسيحية وهى دى القضية

وهى دي القضية - اسمها كرستينا عبد المسيح أو سهام محمود هي من أصل مسلم لكنها من 4 سنين قررت تبقى مسيحية وفعلا عملت ده . - أنا بقى اتعرفت عليها من حوالى سنتين وعرفت وعرفت انها متنصره بس لما سئلتها آزى البطاقة بتعتك مسيحية قالت ليه وهى فرحانه خاطيبي عرف يغيرها ليه وكملت برضوا وهى فرحانة دلوقتي انا مسيحية بجد ومن غير مستخبه وعارفه اروح الاديرة والكاتدرائية ولم حد بيسئلني عن ديني قول بكل ثقة أنا مسيحية . - كرستينا لما تشفها أول مرة هتحكم عليها بأنة جميلة الصورة وملامحه هادئة جدااا ، ولما تعشرها هتعرف سر الهدوء ده ايه ؛ هي جوها هادى جدا ، قليل لما كنت اشفها مطربه أو منزعجة وده مكنش يحصل إلا لما تفتكر خلفيتها الدينية وأهلها اللي سابتهم ، حتى الخوف مكنش يظهر عليها إلا لما كانت تفتكر البطاقة الشخصية وخصوصا بعد معرفت أن كده بطاقتها مزورة وممكن تدخل السجن ، لان القانون فى مصر مش يسمح بتحاويل حد من الاسلام لدين تاني .
- كانت ديما تقول جملها صدها لسه بيرن فى ودنى ( أنا فى المسيحية أتعلمت آزى أستمتع وأنا فى كل لحظة بختبر حب المسيح ليا ) فجاءة كرستينا أتقبض عليها وتم توجيه تهمة التزوير ليها وهى دلوقتي فى سجن القناطر محبوسه احتياطي .
- مش هنتكلم هنا عن الجريمة ولا العقوبة ، ولا هنتكلم عن حياة المتنصرين اللي اتحكم عليها بالموت الأدبي والمعنوي ، مش هنتكلم على أن الجريمة ديما فعل أختياري للمتهم ، لكن لو تم إجباره على الجرم ميبقاش فى جريمة .- لكن هنتكلم عن سهام بنت محبوسة على ذمة القضية رقم لسنة 2010 وهى دلوقتى فى سجن القناطر ، وفى سجن القناطر في رائد اسمه " معتز " ودة معروف لكل المنظمات الحقوقية فى مصر بأنه يعذب المتحولات دينا ً . - الحكاية بداءات يوم جلسه من جلسات التجديد لكرستين ، روحت أنا وزميلي علشان نحضر معها التجديد ، لقيت كرستين لبسة لبس السجن الاحتياطي ( الجليبة البيضة والطرحة ) ولقيت على هدومها بقع دم - سائلتها فى حد بضيقك فى السجن - بصت في الارض وهي خائفه وقالت لا لالا مفيش - فزعقت فيها وقللتها أية اللي عمله فيكي الرائد معتز ، أية اللي حصل وأوعى تكدبي عليا - بصت في عيني وهي بتبكي وكلها خوف وقالت ( يا سعيد ان متبهدله أيدي ورجلي كلهم زرق من كتر الضرب ، بيضربوا فيا ويقولولي يا كفره يالي بعتي دينك ، وقبل ماجي جلسة التجديد يسبوني قبلها بتلات أيام علشان جسمي يهدا من الكدمات والورم اللي فيها وقبل ما أخرج يدهنوا جسمي بمرهم علشان ميظهرش فيه أثار تعذيب ، معتز مانع عني الدواء بتاعي – على فكرة كرستين عامله عملية الغدة في رقبتها ونوع الغدة باتعتها تسمميه بمعنى انها لو ملتزمتش بالعلاج تتحاول الغدة لورم سرطاني - )- دخلنا جلسة التجديد وقلبنا الدنيا وطلبنا إثبات الكلام ده في محضر الجلسة - رجعت كرستينا السجن تاني وهي لسه على ذمة القضية ، وعرف معتز اللي حصل وباعت يهددنا بأنة هيخلي كرستينا " مش بكر " وهو مش هيعمل حاجة هو بس هيسيب عليها المسجونات وهما عرفين شغلهم وكمان بيحبوا يخدموا - أنا هنا مش بتكلم عن متنصرة متهمة فى جريمة ولا جرم لسة متثبتش في حقها ، لكن أنا بتكلم عن أنسانة بيتم تعذيبها داخل السجن بدون سند قانونى ، لكن بوازع من التعصب والحقد والكرهية - أحنا دلوقتى قدمنا شكوى أمام اللجنة المعنية بجرائم التعذيب في حقوق الانسان ، وكمان بعتنا لناس في الكونجرس الامريكي .- لكن أحنا محتاجين أصواتكم معنا ضد الرائد معتز اللى بيستقواء بالكرسي اللي هو قاعد عليه - وصلوا صوت " صرخة " كرستينا وهي بتتعذب لكل العـــــــــــــــالـــــــــــــــــــــــــــــــم

بقلم

سعيد فايز

المحامي

بيان صادر من مكتب سعيد فايز المحامى

بيان صادر من مكتب سعيد فايز المحامى
التزمنا طوال الفترة الماضية الصمت ، ولكن حرصا على مصلحة مؤكلنا ولزيادة ظاهرة محامى البطولات الزائفة على الانترنت والمتاجرين بأوجاع وهموم الناس ، الان نتكلم .

حيث أن مكتبنا قد سبق توكيله من السيد / أشرف محمد محمد ثابت والمتهم فى القضية رقم 3596 لسنة 2010 جنح الزهور – بورسعيد . وذلك بموجب التوكيل رقم 4042/ ب لسنة 2009 والمحرر بتاريخ 7 / 12 / 2009
حيث تلاحظ لنا خلال الفترة الماضية ظهور أحد الناس والتى تدعى انه مسلمه سابقة حال قيامها بالمتاجر بوجاع مؤكلنا بل والطلب من البعض بجمع تبرعات على اسمة على زعم من القول بأنها لمساعدته مع العلم انه لم يصل منها مليم واحد لمؤكلنا .
كما ظهر انفار من المحاميين مدعين انهم مؤكلين من ثابت فى قضيته وذلك لخداع بعض البسطاء من الناس والظهور فى وسائل الاعلام بدور البطولة الزائف .
لــــــــذلــــــك
قمنا بنشر هذا البيان مرفق معه صورة من التوكيل والذى حرر قبل تحرير القضية رقم 3596 لسنة 2010 والمسطره بتاريخ 23 / 3/ 2010 وكذلك صورة ضوئية من بعض اوراق القضية ؛ وذلك حرصا من على مصلحة مؤكلنا اولا ، وحتى لا يخدع البسطاء من الناس سواء داخل او خارج مصر ، حتى لا يزج بأسمة فى جمع تبراعات او يكون سلم يتسلقه كل محب للظهور أو ادعاء البطولة
وأننا نقول لكل طيور الظلام كفاكم خداع للبشر بأسم المدافعين عن حقوق الانسان ، ولتعتبروا هذا تحذير اخير .
ملحوظة : هذا البيان نشر بناء على طلب من موكلنا ، وكرسالة تحذير حتى لا نجبر على اتخاذ الاجراءات القانونية قبل كل من يقوم بالنصب بأسمه أو بجمع تبرعات أو المتأجرة بألالمه ومحنته
امضاء
سعيد فايز
المحامى

رجعنا تانى ، أيصال الامانة

بقلنا فترة كبيرة وقفين وعايزن نرجع نتعلم مع بعض تانى حقوقنا ، وأنهاردة اختارنا موضوع مهم جدا لانة متداول بستمرار هو ايصال الامانة ، كمان الجديد انى مش انا اللى كاتب ، يعنى هنشوف افكار جديدة وطريقة عرض جديد ة

مع تحياتى

سعيد فايز المحامى

حكايات عم منحوسحكاية النهاردة من أصعب الحكايات اللي مريت بيها .. حكاية وريتني الويل .. في يوم جت مراتي منحوسة ..ربنا ياخـ..خليها ماسكة في خناقي وعايزة ثلاجة جديدة بدل الثلاجة القديمة اللي باظت بقالها سنين . طب يا ستي أستني شوية بس لغاية لما يتعدل الحال ..لا وألف لا ..أتصرف دلوقتي ما أنت الراجل .. طب أتصرف أزاي بس .. جت لي فكرة أن أشتريها بالتقسيط .. أيوة هو دة الحل . رحت جبت الثلاجة وكمان معاها تلفزيون ..ماهو أنا أصلي لقيت المقدم بسيط والحكاية كلها في شوية ورق يتمضي .. إيصالات أمانة . عادي ما كل الناس بتعمل كدة . الوصل الواحد بـ 100 جنية قيمة القسط الشهري . دفعت شوية أقساط وبعد كدة أتعذرت شوية فأتأخرت شهرين ما دفعتش . فوجئت بالراجل صاحب الأقساط رافع عليا قضية بــإيصال منهم بـ 10000 جنية . ويا الدفع يا الحبس . أعمل أية ؟؟ الراجل رفض انه يتنازل إلا لما أدفعلة كل الأقساط الباقية وكمان 2000جنية زيادة . رحت للمحامي ودة اللي حصل : المحامي : ما تخافش يا عم منحوس .منحوس : ما أخافش أزاي .. دي إيصالات أمانة ..يعني تحبس أكتر من الشيك .المحامي : الكلام دة غلط يا عم منحوس .. الاثنين بيعاقب عليهم قانون العقوبات رقم 58 لسنة 1937 والمعدل بعد كدة بقوانين كثيرة أخرها القانون رقم 93 لسنة 1995 . بس كل الحكاية أن الشيك ليه مواد عقوبة مختلفة عن إيصال الأمانة .منحوس : يعني أية الكلام ده .. أنا مش فاهم حاجة ؟ المحامي : يعني يا عم منحوس . إيصال الأمانة عقوبته زيها زي الشيك . إيصال الأمانة بيعاقب عليه بنص المادة 341 عقوبات . أما الشيك بيعاقب علية المادة 337 عقوبات اللي أتلغت بعد كدة بموجب قانون التجارة رقم 17 لسنة 1999 وأبتدي هو اللي ينظم التعامل في الشيكات .,منحوس : خلينا في إيصالات الأمانة اللي أنا ماضي عليها .المحامي : بص يا عم منحوس . جريمة خيانة الأمانة اللي متهم بيها طبقاً لنص المادة 341 عقوبات ليها ثلاث أركان للعقاب بيها . الركن الأول هو الركن المادي ..وده المقصود بيه المبلغ المادي اللي تم تبديده . الركن الثاني وهو الركن المعنوي .. وهو النية في التبديد . اما الركن الثالث هو ركن التسليم .. يعني تكون فعلا ً أستلمت المبلغ المكتوب قيمة الإيصال .منحوس : يا أستاذ أنا ماضي علي إيصال بـ 100 جنية علشان القسط . هو رفع عليا بـ 10000 جنية .المحامي : في الحالة دي قدامك طريق من أثنين تثبت بيهم حقك في الجنحة دى . الطريق الأول أنك تطعن بالتزوير علي صلب الإيصال علشان الطب الشرعي يثبت القيمة الحقيقية اللي أنت كاتبها بخطك وأيه هو اللي تم تزويدة بعد كده من أصفار أو أرقام . أما الطريق الثاني أنك تدفع بأنتفاء ركن التسليم . منحوس : أه يعني قصدك يا أستاذ أني أقول للمحكمة أني أنا ما أخدتش المبلغ دة منه ..بس المجكمة هتصدقني أزاي ..ده أنا منحوس.المحامي : ليك أنك تثبت بكافة طرق الأثبات كلامك دة ومنها سماع أقوال الشهود . يعني أنت يا عم منحوس لوعندك أثنين شهود يقولوا أنك مضيت قدامهم علي الإيصال ده ضمان لقيمة القسط الشهري وأقتنعت المحكمة بكلامهم تاخد برآه في الشق الجنائي وأحالة الدعوي المدنية للمحكمة المختصة .منحوس : برآة !!!المحامي : أيوة .. وكمان في طعن بعدم دستورية نص المادة 341 عقوبات أمام المحكمة الدستورية العليا ومازال متداول في المحكمة .منحوس : يعني ممكن تتلغي أصلا ً المادة دي ؟!المحامي : ممكن أه وممكن لا .. ما حدش يقدر يعرف قبل صدور الحكم . لكن اللي من حقك تعمله أنك ترفع جنحة خيانه إئتمان طبقا ً لنص المادة 340 عقوبات ضدة . لأنه أستخدم الإيصال ضدك رغم أنه موضوع عندة علي سبيل الأئتمان .منحوس : وهو اللي يتحبس ؟المحامي : لو ثبتت ضدة جريمة خيانة الأئتمان . منحوس : يا سلام .. دة القانون دة بحره واسع قوي ..بس أنا توبة من دي النوبة .. وإن شالله تتفلق مراتي منحوسة مش جايب حاجة بالقسط تاني . بقلم أسامة ميخائيل المحامى

منظمة نور الشمس تتابع قضية جرجس البرومى لحظة بلحظة

الاربعاء 24 / 3 / 2010 تنظر قضية الشاب جرجس البرومى والذى سبق أن تم أتهامة بغتصب طفلة 12 عام فى فرشوط ، ستكون غدا منظمة نور الشمس للتنمية حقوق الانسان ممثلة بحضور الاستاذ / نبيل غبريال عن المنظمة
الساعة الان قاربت على الحادية عشر وحتى الان لم تبداء الجلسة الخاصة بمحكمة جرجس البرومى يحضر عن جرجس الاساتذة / أشرف ادوارد و محمود الزهيرى والاستاذ نبيل غبريال عن منظمة نور الشمس ، والان مع أول المفأجات استطع فريق الدفاع الحصول على شهادة صادرة من القوات المسلحة تفيد أن جرجس البرومى غير لائق طبيا وهو ما يتعارض مع التقرير المزعوم الذى قدم عن الطب الشرعى والذى أكد ان المتهم سليم مائة فى المائة
تقرير الطب الشرعى المقدم للمحكمة اليوم يوجد به العديد من المشاكل نذكر منها 1 - المظروف كان مفتوح ولا يوجد شمع على المظروف كما هو المعتاد
2 - التقرير جاء متناقض فى الحالة الصحية لجرجس البرومى تارة يجزم بوجود سمنة مفرطة وسكر وتارة أخرى يجزم بعدم وجود اى امراض
3 - المتهم لم يعرض على دكتور ذكورة وتم عارضة داخل محبسة وهو مقيد الحرية ولم يتم عمل تحليل دبوبلكس له ، الامر الذى يجعل هذا التقرير به عوار شديد وسوف يصمم فريق الدفاع على عرض جرجس على لجنة ثلاثية فى أحد معامل القاهرة
تم نشر التقرير فى أكثر من صحفية وهو ما يعد تعدى على الحياة الشخصية للمتهم وتشهير به طبقا للمادة 193 و 187 عقوبات الامر الذى يجبر هيئة الدفاع على طلب وقف النشر
سعيد فايز
رئيس المنظمة

منظمة نور الشمس تنعى الشعب المصرى في فضيلتة الامام الاكبر

نعي منظمة نور الشمس للتنمية وحقوق الانسان
فضيلة الامام الاكبر
بالنيابة عن نفسي وباسم جميع أعضاء منظمة نور الشمس للتنمية وحقوق الانسان ، أتقدم بخالص التعزي لكل شعب مصر والمجتمع الانساني في وفاة شيخ وعلامة جليل هو الشيخ / محمد سيد طنطاوى فضيلة الامام الاكبر وشيخ الجامع الازهر .
أذ نجد أنفسنا في منتهى الحزن والآسي لرحيل رجل قلما جاد الزمن بمثله ، فقد كان فضيلته " رجل محارب " حارب قوة الجهل والرجعية متأخذ من نفسة مثل في قبول الاخر ونبذ روح التعصب ، وحاول بكل قوته إرساء قيم المحبة ، فقد كان المغفور له شديد الحب لديانه فجعل من نفسة إيه تدعوا وتغني وترنم بقيم التسامح والمحبة في شريعة الاسلام .
نطلب من الله إسكانه فسيح جناته ، وكذلك أن يعطينا الصبر والرضا معوض أينا بشخص مثله
رئيس المنظمة
سعيد فايز المحامى

الزعيم والقائد والثورة

ينتظر كل المصريين والمهتمين بالملف القبطي بصفة خاصة الزعيم ، والزعيم المنتظر هذا عبارة عن رجل كاريزمى له صفات خاصة يوحد الجميع ويذهب بهم في إتجاه واحد من أجل قضية تفيد بلدنا المحبوب مصر .

الكل يتنظر ولكن دون جدوى من عشرات السنين لم يولد هذا الزعيم رغم أن الكل ينتظره والكل يبحث عنه فى كل مكان إلا انه لم يظهر .

لكن أسمحوا لي أن أسجل يا أخواتي أعترضي على هذا المبداء ، فأنا أرفض الزعماء والزعامة .إن المتأمل يجد فى الفكر الغربي رفض لفكرة ( الهيرو أو الزعيم أو السوبرمان ) ، فالغربيون يؤمنون بالعمل الجماعي أكثر من إيمانهم بالفرد ، ونجدهم قد نجحوا بالفعل ووصلوا إلي الكثير والكثير .

فأنا أرفض الزعيم لاسباب منها الاتي :
- كلنا يذكر الرئيس الراحل جمال عبد الناصر ، أن اختلفوا عليه الناس في كل شي فلن يختلفوا في أمرين : الاول أنه كان يحب مصر ، والثاني أنه كان زعيم حقيقي بالفعل ، ولكن زعامة ناصر هذه لم تخلص الواطن بل هذه الزعامة نفسها هي التي أوصلتنا لما نحن علية وورطتنا في حروب كثيرة جدا ، كان هذا رغم ظهور الزعيم المنتظر .
- هتلر أيضا كان زعيم ، ولكن رغم زعامته تلك فقد ورط العالم أجمع في حرب طاحنة مدمرة ، بقى الناس ورحل الزعيم وترك لنا تركة مؤلمة جدا من ذكريات سيئة عن ومن الحرب .
- حتى مارتن لوثر كنخ ( محرر العبيد ) كان زعيم وقادة بنضال لا عنفي وسعى لتحرير الزنوج في أمريكا بل أنه أجبر القيادات السياسية على الجلوس حول مائدة مفوضات ، رحل " لوثر " والذي حرر الزنوج ليس زعامة لوثر ولكن دمه الذي دفعه ثمن لقضيته العدالة .
وأيضا ارفض فكرة الزعيم لسبب أخر :
في مصر قليلون هم من يتصدون لقضية وإن وجد هذا الرجل يصبح على الفور رمزا لهذه القضية ، ولكن ما أسهل الاساء لصورة هذا الواحد الذي أصبح زعيما ورمز لقضيته ، فتصبح القضية العدالة قضية على شاكلة من يدفعون عنها ( سيئة أيضا )
– لكن الوضع سيكون مختلف لو كان العمل في إطار جماعي وليس زعامة .
فالحل أذن في وجة نظري في فلسفة العمل الجماعي والذي يشترك في الكل من أجل الواحد ويضحي الواحد من أجل الكل ، ففي نظري أن العمل الجماعي هو الغاية والوسيلة خلال الفترة القادمة .
لكن لما أكتب هذا وهو معلوم لكثيرين ؟ .

بعد أحداث نجع حمادي الاخيرة كم كنت فرحا بهذا الحراك المصري من مسلمين ومسيحيين داخل مصر أو خارجها ، فالكل آمن بضرورة التحرك وعدم الصمت ، وكان المنظر للناظر مفرح جدا رغم قساوة الثمن . لكن مع أول جلسة لمحاكمة الجناة ظهرت حروب وصراعات كثيرة جدا بين هذا وذاك ، وللاسف كانت بعض هذه الحروب والصراعات بين رموز العمل القبطي فى مصر – حتى أنى تورط شخصيا في أحدى هذه الصراعات –لكني تعلمت أن أتعلم من أخطائي .
لذلك فانا أعلن أني على إستعداد أن أكون مجرد قنطرة للتواصل بين رموز وعاملين ذا الملف من أجل وضع بروتوكولا تعاون مشترك بين المنظمات المختلفة والافراد وكل المعنيين حتى نذوب نحنوا وتبقى قضيتنا العدالة .
وإعلني هذا لاسباب منها أني اصغركم في السن فلن أجد حرج في الذهاب إلى أساتذتي .

وأيضا لأني صاحب قلم وسوف أعلن للكافة وعلى كل المنابر المتاحة لي نتاج ما سيحدث خلال تلك الجوالات أول بأول والذي سوف يرفض هذه الشراكة فليعمل طول الخط بمفردة وبمعزل عن ما نقوم به من أعمال فلن نتدخل في عمله ولن نسمح له بالتداخل في علمنا .

سوف إبداء أولى جولاتي تلك بالذهاب إلى المستشار / نجيب جبرائيل ، و المستشار رمسيس النجار والاستاذ / بيتر رمسيس النجار ، والمحامي الدولي الاستاذ / ممدوح نخلة .

سوف أذهب إليهم وإلي مكتبهم ومعي فكرة ورؤية لتعاون مشترك على أن يحافظ أيضا على تفرد كل شخصية وكيان ويترك لها مذاقها الخاص . فأن نالت دعوتي تلك قبولكم أتمنى منكم رسالة سواء على رقمي الشخصية أو بريدي الكتروني .
ستكون هذه أول جولاتي وسوف أعلن للجميع نتاج هذه الجولات سواء سلبا أو ايجابا ، ومن يحب أن أتي اليه لنتباحث في سبل تعاون مشترك فأنا على إستعداد ذلك وفي أي وقت وذلك حتى
أولا : لا نترك لأحد فرصة يتاجر بنا أويستفاد من خصاما .
ثانيا : حتى تتوحد جهودنا .
ثالثا : حتى نصل لان نكون كل فى واحد ، وواحد في كل .
سعيد فايز المحامي
saidfayaz@yahoo.com

معلومة تيك أوى 10 بخصوص الشركات

كلنا فى يوم من الايام حلمنا أننا نكون اصحاب شركات أو مشاريع كبيرة ، ولان أحساس أى حاجة حلم مدروس فقررنا نعرف الناس أنهاردة جزء من دراسة حلمهم فى تكوين مشروعات أو شركات .أحنا هنتكلم عن الوضع القانونى للشركات فى مصر والقانونين اللى بتحكم المسائل دى .القانون المدنى المصرى فى مادة 505- (الشركة عقد بمقتضاه يلتزم شخصان أو أكثر بأن يساهم كل منهم في مشروع مالي ، بتقديم حصة من مال أو من عمل ، لاقتسام ما قد ينشأ عن هذا المشروع من ربح أو من خسارة.)يعنى الشركة بتقوم بين شخصان أو أكتر كل واحد فيهم يدفع جزاء من تكاليف المشروع وبيشتركوا بعد كدة فى الربح والخسار .

والشركات ليها أنواع واشكال كتير بتختلف حسب مسئولية الشركاء وأنماط ألادارة وهى :

1- شركة التضامن .

2 - شركة التوصية البسيطة . 3

- شركة المحاصة .

4- شركة المساهمة 5

- شركة التوصية بالأسهم

6- الشركة ذات المسئولية المحدودة .

طبعا أحنا هنشرح أنواع الشركات دى بطريقة مبسطة جدا وهنتكلم عن حياة الشركة من الميلاد ( بداية الشركة ) حتى الوفاة ( أنهاء الشركة أو تصفيتها ) من الناحية القانونية واللى يحب يسئل عن حاجة أحنا على استعداد

مع تحياتى

سعيد فايز المحامى