انا مش هكتب هنا تحليلي الخاص " كمحامي " للتعديلات الدستورية ولا هحاول افتكر انى راجل قانون ، لكن هركز على اني واحد من الشباب اللى نزل الشارع فى ثورة २५ يناير وطالب بأسقاط النظام وهتمسك بحقي كمواطن مصري । كمان فى حاجة مهم أنا هكتب دة لية ؟ لان الديمقراطية الحقيقة لازم يكون ليها حرية فى التعبير وطرح لكل وجهات النظر بكل حيادية ووضوح والناس هي اللى بتختار فى الاخر زى ما الاخوان اعلنوا أنهم هيقوله " نعم " وزي ما أتلاف الشباب اعلن أنه هيقول " لا " انا كمان هعلن وهقول لية بقول "لا "
أكد المستشار زكريا عبد العزيز رئيس محكمة استئناف القاهرة والرئيس السابق لنادى القضاة إن: "عملية التعديلات الدستورية تشبه جسد ميت يصر الطبيب أن يزرع له أعضاء، فالثورات تسقط الدساتير فكيف يتم التعديل على دستور ساقط ؟ "
والدستور مات فعلا مرتين على الاقل المرة الاولى : لما اجتمع كل القوة الوطنية فى ثورة يناير وهما بيقولة ( الشعب يريد اسقاط النظام ) مش اسقاط الرئيس بس । والنظام لية رموز كان الرئيس واعوانة وكمان لية دستور ، دة هيخلينا لازم نعرف يعنى اية دستور ؟ الدستور هو واثيقة او عقد أجتماعي بين الشعب والحكومة وبيكون فيها نظام الحكم وسلطة الجكومة والرئيس والسلطات المختلفة ، يعنى بسقوط النظام ورفض الحكومة و مجلسي الشعب والشورى وفوقهم الرئيس نبقى رفضنا كمان الواثيقة دى ، ودى كانت اول مرة يموت فيها الدستور
المرة الثانية : لم المجلس الاعلى للقوات المسلحة اعلن عن واقف العمل بالدستور الحالى ودة كان تأكيد على شرعية الثورة وتأكيد على انتهى دستور واحد وسبعين ।
طيب احنا لية مش عايزين الدستور دة । لان الدستور دة كان بيكرس لفكرة الحاكم الفرد بمعنى انه اعطى سلطات واسعة جدا للرئيس وبقى هو رئيس الجمهورية ، ورئيس القوات المسلحة ، ورئيس الشرطة ووو । ودة كان سبب اساسي فى انتشار الفاسد داخل كل اجهزة الدولة فساد هنحتاج سنين كتير علشان نقدر نقضى عليه
- كمان هنلقى التعديلات دى هتنتج رئيس بنفس الصلاحيات اللى كانت موجودة قبل كدة ومجلس شعب وشورى غير متوازنه لسببين الاول هو الدستور نفسة والثانى عدم وجود جماعة منظمة حقيقية غير الاخوان يعنى هيكون المجلس الجاى عبارة عن اخوان وبواقى الحزب الوطنى ومجموعة من رجال الاعمال ؛ والغريب ان دول بس اللى موافقين على التعديل للدستور مش التغيير الكامل للدستور । ياترى اية السبب ؟؟؟؟
- يعنى التعديلات دي مجرد تحايل على مطالب الثورة ومش هتنتج تغيير حقيقي لكن مجرد لعبة لا أكثر ولا اقل
* طيب يا ترى اية السبب فى أن الاخوان تحديدا بيقولوا " نعم " لتعديل الدستور ؟
وانا هنا هقول رأى شخصى ممكن يكون خطا وممكن يكون صواب لكن فى الاخر هو مجرد قراءة مش اكتر ।
الاخوان عاشوا زى باقى الشعب المصري كدبة أن الاخوان مارد كبير لكن محبوس فى قمقم وان الشارع كله معهم ، لكن بعد احداث ثورة يناير ظهرت الحقيقية أن التيار الدينى كله موجود فعلا فى الشارع وموجود بقوة كمان لكن كأقلية مش أغلبية
ودة خلى الاخوان عايزة فرصة لفرض سيطرتها من جديد وهتستخدم طريقة جماعات الضغط " اللوبي " ودة ممكن يحصل لو بقى فى وسيط بين الدستور والشعب وهيبقى الوسيط دة هو مجلس الشعب اللى هينتخب لو تمت التعديلات الدستورية ، لان اللى هيختار لجنة تعديل الدستور وقتها هو مجلس الشعب والتعديلات هتتناقش قدام مجلس الشعب قبل عرضها على الاستفتاء العام وطبعا اسهل أني اكون جماعة ضغط على جهاز او مجموعة مش على شعب
انا برفض الترقيعات الدستورية لان الدستور دة مات فعلا ، وبرفض التعديلات دي لانها مش هتحقق حلمي فى دولة مدنية وبرفضها لانها هتخلى السلطة كلها فى ايد راجل واحد هو رئيس الجمهورية واللى مش هيفرق معايا اسمها اية حتى لو كان محمد حسنى مبارك
لا ثم لا ثم لا لترقيع الدستور
سعيد فايز
المحامى
